راجعالك يا رب ..جايالك يا رب .. منطلقة إليك يا رب ..!!
2 مشترك
كاتب الموضوع
رسالة
خديجه ابوبكر نشيط
المساهمات : 162 تاريخ التسجيل : 13/03/2011 العمر : 29 الموقع : http://www.aboore.com/vb/index.php
موضوع: راجعالك يا رب ..جايالك يا رب .. منطلقة إليك يا رب ..!! الأربعاء مارس 23, 2011 6:22 pm
السلام عليكم و رحمة الله تعالى و بركاته
..
عايز تلتزم و مش قادر ..؟! .. عندك ذنوب بتعملها و مش قادر تسيبها ..؟؟.. بنت بتحبها ..؟؟ .. ولد بتحبيه ..؟؟.. حجاب مش قادرة تلبسيه ..؟؟.. مركز إجتماعي خايف تخسره ..؟؟.. أي ذنب كان بيصدك و بيمنعك من الرجوع لحبيبك و خالقك ربنا سبحانه و تعالى ... تعالوا يا جماعة نسمع حاجة عن ربنا تلين قلوبنا و تخلينا نروح للطريق الصح .. ليه ما تسمعش الدرس دة .. دقايق بس من وقتك كل يوم تسمع فيها حاجة عن ربنا و تستعين بالله و تدعيه ان يدلك على الطريق و تستمر كدة كل يوم أكيد إن شاء الله قلبك سيلين.. طيب أنا قررت إننا أسمع عن ربنا حاجة كل يوم أبدا بإيه ..؟! .. أنا عنديليك حاجة جميلةتبدأ بيها سلسلة و الله فعلا جميلة سلسلة بتاخد بإيدينا و بتنور لنا الطريق الصح .. بتساهم في تفتيح عيوننا المغلقة و قلوبنا المقفلة .. طبعا حأشرح كلمة سلسلة للناس المبتدئين في سماع الدروس و الحاجات دي .. السلسلة هي مجموعة من الدروس الدينية بتتكلم عن موضوع واحد .. صدقني مش هتزهق .. صدقني في أي درس من دروس السلسلة ((16 درس )) مش هنقوم من مكانك إلا لما تخلص الدرس لأنها أسلوبها حلو و جاذب و مبسط .. سلسلة راجع لك يا رب للشيخ الدكتور حازم شومان .. سلسلة لازم لازم لازم كل واحد مننا يشوفها .. صدقني ممكن ربنا يجعل توبتك بها لأنها كانت سبب لتوبة الكثيرين ... و روابط التحميل هتلاقوها في نهاية المقدمة دي .. السلسلة عبارة عن تفسير للسور من سورة ق إلى سورة الحديد بصورة جميلة تجذب الأسماع و بأسلوب فعلا مؤثر تعالوا نشوف ليه إختيرت هذه المجموعة من السور بالذات .. يقول الشيخ الدكتور حازم شومان عن إختياره لهذ السور (( و الكلام للشيخ مع بعض التصرف )) :
سورة ق : سورة ق بتقولك حرر نفسك .. حرري نفسك من القيود (( فكشفنا عنك غطاءك)) .. إمتى حنتحرر يا جماعة .. إمتى حنتحرر .. إمتى هتاخدي حريتك .. سورة ق بتقولك إكشف الغطاء عنك قبل ما ينكشف يوم القيامة ...فك القيود بتاعتك قبل ما تندم .. إتحرري و إنطلقي لربنا.. حنتكلم عن إزاي السورة دي بتزلزل القلوب .. إزاي بتخلي أي إنسان يتوب بإذن الله لو عاش معاها بقلبه ..
سورة الذاريات : السورة التانية سورة الذاريات بتقولك طب نكشف الأغطية إزاي يا رب ..؟! ... طب نكسر القيود إزاي يارب ..؟ ! .. أول قيد هو الرزق عشان كدة المرة الوحيدة في القرآن اللي ذكر فيها إسم الله الرزاق كانت في سورة الذاريات ..((إِنَّ اللَّهَ هُوَ الرَّزَّاقُ ذُو الْقُوَّةِ الْمَتِينُ )) .. سورة الذاريات بتقولك (( وَفِي السَّمَاءِ رِزْقُكُمْ وَمَا تُوعَدُونَ)) .. رزقكم يا جماعة فوق .. فوق منابع التقسيم .. و تحت مراكز التسليم .. سورة الذاريات بتقولك إن أكبر دافع أبعد الناس عن ربنا اللي هو هم الرزق كان المفروض يكون أكبر دافع يسوق الناس لربنا سبحانه و تعالى .. لأن الرزق عنده مش تحت ..
سورة الطور : سورة الطور بتتكلم عن اللي فاكرها لعبة (( الَّذِينَ هُمْ فِي خَوْضٍ يَلْعَبُونَ )) .. اللي بيلعبوا بالنار .. اللي بيلعبوا بمصيرهم .. اللي بيخوضوا في مخاضات جهنم و هم مش عارفين ..
سورة النجم : .. ((وَالنَّجْمِ إِذَا هَوَى)) .. كلام رهيب من أولها .. النجم بيهوي و بيسجد لله .. زي الشمس لما بتهوي ساجدة لله .. من أولها و الكون كله بيسجد لربنا سبحانه و تعالى .. سورة النجم بتتكلم عن الرسول لما طلع فوق (( في ليلة الإسراء و المعراج )) .. إزاي قدر ينزل للأرض .. إزاي بعد ما بقى بجوار الله بجسده إزاي قدر ينزل و يعيش مع الناس تاني .. نزل و لكن قلبه فضل فوق مع الله عز و جل .. سورة النجم بتصنع إنسان مع الله .. قلبه مع الله .. قلبك فوق و إن كنت تحت مع الناس ..
سورة القمر : سورة القمر بتقول لبتوع الدنيا تعالوا .. !! .. إنتوا بتضيعوا الدنيا .. بتقولك رسالة إن دنيتك في خطر .. دنيتك هتضيع لو بعدت عن ربنا سبحانه و تعالى .. بتتكلم عن الأثر الدنيوي للمعصية .. الإهلاك و التدمير اللي حل بالأقوام اللي عصت ربنا .. و في الآخر لما ربنا جاب الإهلاك للأقوام دي كلها قال (( أَكُفَّارُكُمْ خَيْرٌ مِنْ أُولَئِكُمْ )) .. إنت أحسن منهم في إيه .. لما تعمل معاصيهم حتبقى أحسن منهم في إيه ..؟ ليه مفترضين إن ربنا نزل عليهم العذاب و مش هينزله على اللي عملوا نفس معاصيهم ... (( أَمْ لَكُمْ بَرَاءَةٌ )) .. و لا إنتوا واخدين براءة من قبل ما تتخلقوا ..؟!!
سورة الرحمن : لو ربنا جمع الإنس و الجن كلهم (( فَبِأَيِّ آلَاء رَبِّكُمَا تُكَذِّبَان)) الدنيا كلها و المخلوقات كلها ربنا قالهم إيه .. ربنا قالهم إفتكروا انا عملتلكوا إيه ..؟! .. إفتكروا الحاجة اللي الشيطان بيحاول ينسيها ليكوا بأي طريقة ...
سورة الواقعة : سورة الواقعة بتقولك إن الإعتبارات الإجتماعية دي زائلة زائلة .. فوقوا .. و تجيبلك قبل ما تنتهي المنظر الآخير .. اللحظة الآخيرة .. (( فَلَوْلَا إِذَا بَلَغَتِ الْحُلْقُومَ وَأَنتُمْ حِينَئِذٍ تَنظُرُونَ )).. لحظة بيستوي فيها كل الناس غني و لا فقير .. غفير و لا وزير .. و ربنا بيقولك دة في طبقية في الدارالآخرة بس من نوع مختلف خالص ((فَأَمَّا إِن كَانَ مِنَ الْمُقَرَّبِينَ )) .. اللي بيعملوا الطاعات .. (( فَرَوْحٌ وَرَيْحَانٌ وَجَنَّةُ نَعِيمٍ)) .. ودي الطبقة الأولى و بعدها تيجي بقية الطبقات من أصحاب اليمين و أصحاب الجحيم .. يعني بتقولك فكر في الآخرة و ما تفكرش في الدنيا ..
سورة الحديد : و في النهاية تيجي سورة الحديد .. سورة ألم يأن بقى ..(( أَلَمْ يَأْنِ لِلَّذِينَ آمَنُوا أَن تَخْشَعَ قُلُوبُهُمْ لِذِكْرِ الله وَمَا نَزَلَ مِنَ الْحَقِّ وَلَا يَكُونُوا كَالَّذِينَ أُوتُوا الْكِتَابَ مِن قَبْلُ فَطَالَ عَلَيْهِمُ الْأَمَدُ فَقَسَتْ قُلُوبُهُمْ وَكَثِيرٌ مِّنْهُمْ فَاسِقُونَ )) .. جاء الوقت و لا ما جاش لسة ..؟؟!! .. سورة إنتهز الفرصة .. السورة اللي بتقولك (( سَابِقُوا إِلَى مَغْفِرَةٍ مِنْ رَبِّكُمْ وَجَنَّةٍ عَرْضُهَا كَعَرْضِ السَّمَاءِ وَالأَرْضِ أُعِدَّتْ لِلَّذِينَ آمَنُوا بِاللَّهِ وَرُسُلِهِ ذَلِكَ فَضْلُ اللَّهِ يُؤْتِيهِ مَنْ يَشَاءُ وَاللَّهُ ذُو الْفَضْلِ الْعَظِيمِ )) .. السور الباقية بتقولك سارعوا يعني إجري بسرعة أي واحد حيجري بسرعة حيدخل الجنة و السورة دي بتقولك سابقوا .. سورة الحديد مش بتتكلم عن الجنة .. سورة الحديد بتتكلم عن مقامات محدودة في الجنة .. مش كل واحد هيجري للجنة هيلحقها .. دة الأوائل بس .. سورة الحديد للأوائل بس ... للسابقين فقط.. سورة الحديد بتقول إوعى تضيع الفرصة ..((لا يَسْتَوِي مِنْكُمْ مَنْ أَنْفَقَ مِنْ قَبْلِ الْفَتْحِ وَقَاتَلَ أُوْلَئِكَ أَعْظَمُ دَرَجَةً مِنَ الَّذِينَ أَنْفَقُوا مِنْ بَعْدُ وَقَاتَلُوا وَكُلًّا وَعَدَ اللَّهُ الْحُسْنَى وَاللَّهُ بِمَا تَعْمَلُونَ خَبِيرٌ)) إلحق انصر الدين و الدين لسة مٌحَارب .. إلحقي تعففي و إشتغلي في الدعوة إلى الله ...
و زي ما بيقولوا بتمنى لكم مشاهدة طيبة .. و ما تنسوش لو شقتوا السلسلة دي و عجبتكم تنشروا المقدمة البسيطة عن السلسلة في المنتديات لأن الدال على الخير كفاعله يمكن بسبب السلسلة دي يهتدي واحد من الناس و تكون إنت السبب في كدة و ليك مثل كل الحسنات اللي هو بياخدها في ميزانك ..و جزاكم الله كل خير .. روابط المشاهدة و التحميل ..: للمشاهدة و التحميل من موقع الطريق إلى الله ..: جميع حلقات السلسلة : http://www.way2allah.com/modules.php...=Series&id=891 للمشاهدة من اليوتيوب ..:
تجدون في قائمة التشغيل هذه سلسلة راجع لك يا رب و سلاسل أخرى للشيخ :
الأربعاء مارس 23, 2011 6:22 pm
